Урин дулаан цаг эхлэхтэй зэрэгцээд хачиг гарч ирдэг билээ. Тэгвэл хачигт хазуулж, улмаар амиа алсан тохиолдол гарсан байна. Тодруулбал, өнгөрсөн дөрөвдүгээр сарын 10-нд Говь-Алтай аймгийн Есөнбулаг сумын иргэн 54 настай эмэгтэй аймгийнхаа нэгдсэн эмнэлэгт хүргэгдэж амиа алдсан аж.

Нас барсан эмэгтэйд Зоонозын өвчин судлалын үндэсний төвөөс шинжилгээ хийж, амиа алдсан шалтгааныг нь тодорхойлжээ. Шинжилгээгээр хачигт хазуулснаас болж  амиа алдсан нь тогтоогджээ. Мөн тус аймагт хачгаар дамжих халдварын 51 сэжигтэй тохиолдол бүртгэгдсэнээс 45 тохиолдол тархвар судлал, эмнэлзүйгээр хачигт риккетсиозын гэж оношлогдсон юм байна.

Одоогийн байдлаар гурван хүний биеийн байдал хүндэрсэн ч эмчилгээний үр дүнд сайжирч эхэлжээ. Үүнтэй холбогдуулан иргэдэд хачигт хазуулахаас сэргийлж тод өнгийн битүү хувцас болон малгай өмсөхийг анхаарууллаа.