Монгол Улсын хилийг хууль бусаар нэвтэрсэн этгээдүүдийг илрүүлсэн байна. Тэд БНХАУ-ын Эрээн хотоос Дорноговь аймгийн Замын-Үүд сумын Автозамын шалган нэвтрүүлэх боомтоор тээврийн хэрэгсэлд нуугдан орж ирж, улсын хилийг явганаар нэвтэрсэн аж.

Энэхүү хэргийг холбогдох газраас шалгаж, Эрүүгийн хуулийн тусгай ангийн 89 дүгээр зүйлийн 89.2 дахь хэсэгт зааснаар эрүүгийн хэрэг үүсгэсэн гэнэ.  Мөн Эрүүгийн байцаан шийтгэх хуулийн 190 дүгээр зүйлд заасны дагуу Дорноговь аймгийн Замын-Үүд дэх сум дундын прокурорын газраас Хил хамгаалах Ерөнхий газрын 0108 дугаар ангид мэдэгдэл хүргүүлжээ.

Мэдэгдэлд гэмт хэрэг гарах болсон шалтгаан нөхцөлийг арилгуулах, автозамын шалган нэвтрүүлэх боомтын зорчигч, ачаа тээврийн орох, гарах хөдөлгөөнд тавих хяналтыг чангатгах тухай дурьджээ.