Өнгөрсөн амралтын өдрүүдэд хөдөө орон нутгийн замд зам тээврийн ослын улмаас дөрвөн хүн амиа алдаж, гурван хүн хүнд гэмтсэн хэрэг гарчээ. Тодруулбал, Дархан уул аймгийн Хонгор сумын Цайдмын хөндий гэх газар H.Sonata маркийн машин онхолдож, зорчигч 16 настай эмэгтэй Б-ийн амь нас хохирч, гурван хүн гэмтсэн байна.

Түүнчлэн Төв аймгийн Баянхангай сумын Атар 13 гэх газар “H.Sonata” маркийн авто машины жолооч Г нь “Northbenz” маркийн А жолоочтой авто машинтай мөргөлдөж жолооч 31 настай эрэгтэй Г-ийн амь нас хохирчээ. Тиймээс Замын цагдаагийн газраас жолооч нарт хөдөө орон нутгийн замд замын хөдөлгөөнд анхаарал болгоомжтой оролцож, хурдаа тохируулан оролцохыг анхаарууллаа.