Сонсголын бэрхшээлтэй хүүхдүүдийн тусгай сургууль болох 29 дүгээр сургуульд ноцтой асуудал байдаг нь илэрч, нийгэмд шуугиан тариад байгаа билээ. Тэр дундаа тус сургуулийн захирлаас эхлээд багш нар нь ёс зүйн алдаа гаргаж, сурагчидтай зүй бус харьцсан нь ил болоод буй.

Тэгвэл  Нийслэлийн Засаг дарга С.Батболдын захирамжаар 29-р сургуулийн захирал Б.Батсайханыг өнөөдрөөс ажлаас нь чөлөөлсөн байна.  Боловсролын сайдын тушаалаар тус сургууль дээр үүсээд байсан нөхцөл байдлыг шалгах ажлын хэсэг байгуулагдсан. Ажлын хэсгийн дүгнэлтийг үндэслэн, Засаг дарга дээрх шийдвэрийг гаргасан байна юм байна.

Тэгвэл  эмэгтэй сурагчдын хөх, өгзөгөнд хүрч, тэвэрч, дарамталж,  бэлгийн дарамт үзүүлж байсан эсэхийг  Сүхбаатар дүүргийн нэгдүгээр хэлтсээс шалгаж буй бөгөөд дүгнэлт эцсийн байдлаар гараагүй байгаа юм байна.  Харин халагдсан захирал Б.Батсайханыг  түр орлон гүйцэтгэх хүнийг томилсон төдийгүй, нийслэлийн хэмжээнд үйл ажиллагаа явуулж буй зургаан тусгай сургуульд шалгалт явуулах ажлын хэсгийг Засаг даргын захирамжаар байгуулсан байна.