Английн премьер лигийн зарим нөхөн тоглолтууд долоо хоногийн дундуур болж байгаа билээ. Өнгөрсөн шөнө хүснэгтийг тэргүүлэгч “Челси” клуб талбайдаа “Саутгэмптон”-ыг хүлээж авч, 4:2-оор буулгаж авсан билээ. Ингэснээр 78 оноотой болж, араасаа нэхэж буй “Тоттенхэм”-ээс онооны зөрүүгээ хадгалах боломжтой боллоо. 

Тоглолтын 5 дахь минутад Азар тооны харьцааг нээсэн. Харин 24 дэх минутад Ромеу тэнцүүлсэн. Гэвч 45 дахь минутад Гарри Кейхилл багтаа тэргүүлэл авчирсан. Улмаар 53, 89 дэх минутад Диего Коста хоёрыг оруулж, премьер лигт 19 гоолтой болж ирлээ. Тоглолтын 90 дэх минутад зочин багаас Бертран нэг гоол нэмснийг эс тооцвол “Челси” бүрэн утгаараа илүү байсан юм.