Залуучууд нэгдэн нийслэлийн гудамж талбай дахь “гулгаа массаж” гэсэн зарыг хуулж байна. Тодруулбал, "Лантуун дохио" ТББ-аас Нийслэлийн гудамжинд буй "Гулгаа массаж" гэсэн зарын хуудсуудыг өчигдрөөс хуулж эхэлжээ.

Энэ талаар тус байгууллагын тэргүүн Ч.Ганжавхлан "Сүүлийн үед гулгаа массаж гэсэн нэрийн дор 15,16-хан настай охидыг бэлгийн мөлжлөгт автуулж, гэмт хэрэг, хүний наймааны хохирогч болгож байна" гэв.

Одоогийн байдлаар тэд 70 хүний бүрэлдэхүүнтэйгээр Шархаднаас Орбит хүртэл, долоон  буудлаас Зайсан хүртэлх бүх "Гулгаа массаж" гэсэн хуудсуудыг хуулж цагдаагийн байгууллагад шалгуулах юм байна.

Тиймээс “Лантуун дохи” ТББ-аас иргэдийг гадуур тааралдсан "Гулгаа массаж" гэсэн хаяг, хуудсуудыг хуулан авч аянд нэгдэхийг уриаллаа. Дашрамд сонирхуулахад, тэд нэг өдрийн дотор 11 шуудай массажны зар хуулсан ажээ.