АНУ-ын Ерөнхийлөгч Доналд Трамп Сирийн агаарын бааз руу пуужин харвасан асуудлаар хэвлэлийн хурал хийжээ. Энэ үеэр “АНУ шударга ёсны төлөө тулалдана” хэмээн мэдэгдсэний зэрэгцээ “Сирийн дотоодын дайныг эцэслэхийн тулд  улс орнууд  нэгдмэл байх ёстойг онцолсон байна.

Тэрбээр БНХАУ-ын дарга Си Зиньпинтэй уулзалт хийж буй Флорипи мужийн Уэст Палм Бийч дэх “Мар а Лаго”-оос телевизээр шууд дамжуулан илтгэл тавьсан байна. Энэ үеэр “Сирийн дарангуйлагч Башар ал Ассад гэм зэмгүй иргэдийн эсрэг химийн зэвсэг ашигласан” хэмээн шүүмжилжээ.

Мөн “Өнөө шөнө би бүх холбоотон орнууддаа АНУ-тай хамтран Сирид болж буй энэ мэт аймшигтай, цус урсгасан дайныг эцэслэж, терроризмыг үндэс сууриар нь устгахыг уриалж байна. АНУ шударга ёсны төлөө тулалдаж, эцэст нь энх тайван, эв найрамдал ялна гэдэгт би итгэж байна” хэмээн өгүүлжээ.