Английн алдарт “Манчестер Юнайтед” клуб талбайдаа “Эвертон”-тай тулж, 1:1-ээр тэнцсэн билээ. Энэ тоглолтод “Улаан чөтгөрүүд”-ийн нэг гоолыг Ибрахимович 90 дэх минутад торгуулийн цохилтоос оруулсан.

Энэ нь тэрбээр өнгөрсөн оны аравдугаар сарын 3-нд 35 нас хүрснээсээ хойш оруулж буй 12 дахь гоол нь юм. Энэ үзүүлэлтээрээ тэрбээр домогт Жанфранко Золагийн ард бичигдэж байна.  Зола 2002-2003 оны улиралд 36 настайдаа “Челси”-гийн төлөө премьер лигт 14 гоол оруулж байжээ. Ибрагийн хувьд энэ улиралд премьер лигт 26 тоглолтод оролцож, 16 гоол оруулчихаад байна.