“Лион” клубын довтлогч Александр Ляказеттег Испанийн “Атлетико” сонирхож байгаа юм. Тэгвэл Францын багийн удирдлагууд түүнийг зарахад бэлэн байгаа ажээ. Sport.es-ийн мэдээлж байгаагаар Францын баг хэлэлцээр хийхээр төлөөлөгчөө Испани руу илгээсэн юм байна.

“Атлетико”-гийнхон түүнийг 40 саяас илүүгүй үнээр авахыг хүсч байгаа аж. Харин “Лион” 60 сая еврогоос багагүй үнээр зарахыг хүсч буй ажээ.  Ляказеттег “Атлетико”-гоос гадна Английн “Манчестер Сити”, “Арсенал” клубүүд сонирхож байгаа юм байна. Өдгөө 25 настай довтлогчийн “Лион”-тай байгуулсан гэрээ 2019 онд дуусна.