Москва зэрэг ОХУ-ын хэд хэдэн хотод сөрөг хүчний удирдагч Алексей Навальныйгийн уриалга дор авлигын эсрэг жагсаал зохион байгуулагджээ. Хотуудын эрх баригчид жагсаал хийх зөвшөөрөл олгоогүй бөгөөд Москвагийн төв хэсэгт болсон жагсаалд оролцогчид хуулийн байгууллагынхантай мөргөлдөж, А.Навальный тэргүүтэй хэд хэдэн жагсагч баривчлагджээ.

Москвад болсон жагсаал Тверскаяа гудамжид болж, жагсаалыг дэмжигч хэдэн зуун хотын иргэд цугларсан байжээ. Тэд “Путингүй ОХУ-ын төлөө” гэх мэт уриа лоозон барьж эсэргүүцлийн жагсаалд оролцсон байна. Гэвч цагдаагийн байгууллага жагсаалыг хууль бус хэмээн үзэж, хүч хэрэглэн баривчилжээ.

А.Навальный 2011-2012 онд өнөөгийн засгийн газрын эсрэг томоохон хэмжээний жагсаалыг удирдаж байжээ.