Эцэг, эхийн хариуцлагагүй байдлаас болж бага насны хүүхдүүд халуун тогоонд түлэгдэж, улмаар амиа алдах тохиодол сүүлийн үед тасрахгүй гарч байна. Өнгөрсөн шөнө гэхэд бага насны хүүхэд халуун тогоонд түлэгдэж нас барсан харамсалтай хэрэг гарчээ.

Тодруулбал, цагдаагийн газарт “ГССҮТ-ийн Түлэнхийн тасагт эмчлэгдэж байсан хүүхэд нас барлаа” гэсэн дуудлага ирсэн аж. Дуудлагын дагуу цагдаагийн алба хаагчид шалгахад 1.7 настай хүү гэртээ халуун тогоотой усанд нуруугаараа унаж, түлэгджээ.

Улмаар ГССҮТ-д эмчлүүлж байгаад нас барсан байна. Тиймээс цагдаагийн газраас бага насны хүүхдийг хараа хяналтгүй орхихгүй байхыг санууллаа.