2016 онд улсын хэмжээнд мотоцикльтой холбоотой зам тээврийн осол нийт 449 бүртгэгдсэний 82 хувь буюу 369 нь орон нутагт гарчээ. Энэ нь  орон нутагт иргэд мотоциклийг өдөр тутмын амьдралдаа өргөнөөр ашиглах болсон мөн жолооны сургалтад хамрагдаагүй, замын хөдөлгөөний дүрэм судлаагүйгээс болдог аж.

Цаашлаад тээврийн хэрэгсэл жолоодох насанд хүрээгүй хүн мотоцикль барьж хөдөлгөөнд оролцдог, хамгаалалтын малгай хэрэглэдэггүй, бүрэн бус тээврийн хэрэгсэлтэй хурд хэтрүүлдэг, согтуурсан үедээ хөдөлгөөнд оролцдог зэрэг шалтгааны улмаас зам тээврийн осолд өртөж амь нас, эрүүл мэндээрээ хохирч байна. 

Өнгөрсөн амралтын өдөр Архангай аймагт мотоциклийн осол гарч, нэг хүн амиа алдсан харамсалтай хэрэг гарчээ. Тодруулбал, Архангай аймгийн Хашаат сумын Жаргалант багийн нутагт Булган аймгийн Гурванбулаг сумын харъяат 50 настай эрэгтэй Ж мотоциколтой онхолдож,  нас барсан аж. Тиймээс Замын цагдаагийн албанаас мотоцикль унаж байгаа тохиолдолд хурд хэтрүүлэхгүй байхыг санууллаа.