Монголын шилдэг тамирчин, Рио-2016 олимпийн наадмын тавдугаар байрын шагналт Э.Цэндбаатар 18-19-нд шилжих шөнө бусдад зодуулжээ. Улмаар хүнд гэмтэж,  ГССҮТ-ийн сэхээн амьдруулах тасагт ухаангүй хүргэгдсэн юм байна. Хэвлэлийнхний мэдээлж байгаагаар тэрбээр согтуу залууст зодуулж, машинд мөргүүлсэн аж.

Уг нь манай боксчид Тайландын эзэн хааны цомын тэмцээнд оролцохоор бэлтгэл хийж байгаа. Гэвч цэргийн баярын үеэр хотод ирж баярласан бололтой. Ингэж явахдаа согтуу залуустай маргалдаж, зодолдсон юм байна. Шигшээгийн тамирчдад зодуулсан залуус шарандаа тэднийг машинаар хөөж, улмаар Э.Цэндбаатарыг мөргөж, нэмж зоджээ.

Одоогоор Э.Цэндбаатар ГССҮТ-д эмчлүүлж байгаа бөгөөд нүүрэндээ 32 оёдол тавиулсан, биеийн байдал хүнд байгаа аж.