Японы мэргэжилийн сүмо бөхийн гуравдугаар сарын буюу Хару башёгийн тав дахь өдрийн барилдаан Осака хотноо болж дууслаа.

Мэргэжилийн сүмогийн 69 дэх их аварга Хакүхо М.Даваажаргал комосүби Митакиүмитэй барилдах байсан ч гэмтлийн улмаас өнөөдрийн барилдаанд барилдсангүй. Түүний зүүн хөлний арьс хууларч байгаагаас шалтгаалан башёг өнжиж байна.

Мэргэжилийн сүмогийн 70 дэх их аварга Харүмафүжи Д.Бямбадорж маэгаширигийн 3-ээс барилдаж байгаа Шохозантай 16 дахь удаагаа барилдаж байгаа бөгөөд 13 дахь удаагаа давлаа. Тэрбээр гурван даваа хоёр унаатай боллоо.

Харин мэргэжилийн сүмогийн 71 дэх их аварга Какүрю М.Ананд маэгаширигийн 1-ээс барилдаж байгаа Сококурайтай барилдаж давснаар дөрвөн даваа нэг унаатай боллоо.

Башёг ёкозүно Кисеносато, озеки Терүнофүжи, секиваки Такаясү, Маэгашири-6 Чиёошома, Маэгашири-10 Точиозан нар ганц унаагүйгээр тэргүүлж байна.

Маргааш Харүмафүжи маэгаширигийн 4-ээс барилдаж байгаа Ёшиказитэй барилдах бол Какүрю маэгаширигийн 3-ээс барилдаж байгаа Шохозантай барилдахаар боллоо.

Бусад бөхчүүд
Ёкозүна Хакүхо М.Даваажаргал 2-3
Ёкозүна Харүмафүжи Д.Бямбадорж 3-2
Ёкозүна Какүрю М.Ананд 4-1
Озеки Терүнофүжи Г.Ган-Эрдэнэ 5-0
Секиваки Тамаваши Б.Мөнх-Оргил 3-2
Маэгашири-2 Таканойва А.Баасандорж 1-4
Маэгашири-4 Араваши Э.Дөлгөөн 1-4
Маэгашири-6 Чиёошома Г.Мөнхсайхан 4-1
Маэгашири-7 Ичиножү А.Ичинноров 3-2
Маэгашири-14 Кёкүшюүхо Т.Эрдэнэбаатар 2-3