Азербайжаны нийслэл Баку хотноо жүдо бөхийн “Их дуулга” ангиллын тэмцээн болж байгаа билээ. Өнөөдөр хүнд жингийнхний барилдаан болсноор тэмцээн өндөрлөх юм. Өөрөөр хэлбэл, эрэгтэй 90, -100, +100, эмэгтэй -78, +78 кг-ын барилдаанууд болно. Манайхаас +100 кг-д Ө.Дүүрэнбаяр, -78 Ц.Наранжаргал нар барилдах учиртай.

Ц.Наранжаргалын хувьд С хэсэгт багтаж, эхний тойрогтоо Казахстаны Зарин Ралфоватай барилдахаар оноолт таараад байна. Ялж чадвал хэсгийн аваргын төлөө Недерландын бөх Маринде Веркерктэй барилдана.

Харин Ө.Дүүрэнбаярын хувьд В хэсэгт багтаж, эхний тойрогтоо Сербийн Зарко Кулумтэй барилдахаар оноолт таараад байна. Ялсан тохиолдолд хэсгийн аваргын төлөө Азербайжаны тамирчдын хожсонтой нь барилдах юм.