Энэ улирлыг дуусгаад “Арсенал”-ын хагас хамгаалагч Месут Өзил болон Алекс Окслейд-Чэмберлен нар багаа сольж магадгүй байгаа ажээ. The Telegraph-ийн мэдээлж байгаагаар эдгээр тоглогчид улирлын төгсгөлд багаасаа явахыг хүсч байгаа юм байна.

Өнгөрсөн долоо хоногт Өзил багтайгаа долоо хоногт 200 мянган фунтын цалин авах гэрээ байгуулах санал хүргүүлсэн ч Лондоны клубын удирдлагууд хариу өгөөгүй аж. Тиймээс тэрбээр багаасаа явахаар төлөвлөж байгаа юм байна.

Окслейдын хувьд “Арсенал”-тай байгуулсан гэрээ нь 2018 онд дуусна. Тэрбээр сүүлийн үеийн тоглолтуудын үр дүнд сэтгэл хангалуун бус байгаа болохоор багтайгаа гэрээ сунгахгүй байхаар шийдсэн талаар ойр дотных нь хүн хэлсэн ажээ. Түүнээс гадна Алексис Санчез ч бас багаас явж магадгүй байгаа билээ.