Нэр хүнд, цар хүрээгээрээ Аваргуудын лигийн дараа орох Европа лигийн 1/8 шигшээн эхний тоглолтууд өнгөрсөн шөнө боллоо. Энэ шатанд Английн алдарт “Манчестер Юнайтед” клуб Оросын “Ростов”-тай учраа таарсан. Эхний тоглолт “Ростов”-ын талбайд болж, хоёр баг 1:1-ээр тэнцлээ.

Ингэснээр дараагийн тоглолтод бүх зүйл нээлттэй үлдэв. “Манчестер Юнайтед” клубт нэг давуу тал байгаа нь тэд хариу тоглолтыг талбайдаа хийх юм. Энэ удаагийн тоглолтын 35 дахь минутад Мхитарян гоолдож, тооны харьцааг нээсэн. Харин 53 дахь минутад Бухаров хариуг нь барьж, тэнцүүлжээ.