Улсын хэмжээнд 15 аймгийн 170 гаруй сумд өвөлжилт хүндэрч зудын байдалтай байгаа талаар холбогдох байгууллагууд мэдээллэж байгаа билээ. Тэгвэл малчдад туслах хандивын аянд "ТЭЦ-3" ТӨХК, 97-р сургууль, 131-р сургууль, 24-р сургуулийн хамт олон нэгдсэн байна.

Тэд  нэмнээ, лаа, шүдэнд болон бусад эд материал хандивласныг нийслэлийн Онцгой байдлын газраас  Багануур дүүргийн Онцгой комисст  хүлээлгэн өгчээ. Багануур дүүрэгт 27522 толгой мал өвөлжиж байгаа бөгөөд дүүргийн нутаг дэвсгэрийн хойд уулархаг хэсэгт цас ихтэй, нийт нутгаар цасан бүрхүүлтэй байгаа ажээ.