Олон улсын жүдо бөхийн холбооны календарчилсан төлөвлөгөөнд багтсан Дюссельдорфын Гран при тэмцээн энэ сарын 24-нд эхлэх билээ. Өнөө жилийн Дюссельдорфын Гран при тэмцээнд дэлхийн 52 орны эрэгтэй 224, эмэгтэй 156, нийт 380 жүдоч оролцохоор одоогийн байдлаар мэдүүлгээ өгөөд байгаа ажээ.

Тэгвэл Монголоос энэхүү тэмцээнд эрэгтэй 8, эмэгтэй 4, нийт 12 жүдоч барилдахаар мэдүүлгээ өгсөн байна. Эрэгтэйчүүдийн 60 кг-д Г.Болдбаатар, Д.Амартүвшин, 66-д Д.Төмөрхүлэг, Д.Алтансүх, 73 кг-д С.Баяртүвшин, 81-д Б.Алтансүх, Б.Гаажадамба, 90-д Б.Бат-Эрдэнэ нар оролцох юм байна. Харин эмэгтэйчүүдээс 48 кг-д Э.Гэрэлмаа, 52-т Ч.Аззаяа, 57-д Олимпийн мөнгөн медальт Д.Сумъяа, Л.Энхрийлэн нар өрсөлдөх юм байна.