“Хүннү молл” цогцолборт өнөөдөр “Хар сарнай” хамтлагийн дуучин Амараа, “Эмоушн”-ы экс гишүүн Т.Солонго тэргүүтэй урлагийнхны тоглолт болох ажээ. Энэхүү тоглолт 14:00 цагаас эхлэх бөгөөд ардын урлагийн “Нүүдэлчид” хамтлагийн хөгжмийн эгшинд уярч, дуурийн дуучин Ө.Цэрэнчунт, уртын дуучин Э.Болормаа нарын хоолойн чадлыг бишрэх боломжтой аж.

Мөн  “Авьяаслаг монголчууд 2017” шоуны шилдэг оролцогч Ц.Мөнхсайханы гайхамшигт иогийн үзүүлбэрийг ч үзэх боломжтой юм байна.Тэд Монголын Маркетинг Менежмэнтийн хүрээлэнгээс зохион байгуулж буй “Цагаан сарын – Ендоотой экспо” үзэсгэлэн худалдааны үеэр ийн тоглолтоо сонирхуулах юм байна.