Жил бүр зохион байгуулагддаг Дэлхийн хэвлэлийн шилдэг гэрэл зураг шалгаруулах “World press photo-2017” наадмын шилдгүүд тодорлоо. Энэ удаагийн тэмцээнд дэлхийн 125 орны  5034 зурагчин 80400 бүтээлээ илгээснээс спортын төрөлд дээрх зураг хоёрдугаар байрт шалгарсан байна. Энэ зургийн 2016 оны нэгдүгээр сарын 25-нд авчээ. Австралийн Мельбурн хотын цэнгэлдэх хүрээлэнд өнгөрсөн оны Австралын нээлттэй тэмцээн ид өрнөж байх үест Камерон Спенсер Францын нэрт теннисчин Гаэль Монфисын нэгэн агшныг дурандаа ийн буулгасан байна. Дээрх тоглолтод  Гаэль Монфис, ОХУ-ын теннисчин Андрей Кузнецовтай учраа таарч тоглосон юм. 

Зураг дээрх теннисчийн тухай товч хүүрнэхэд, тэрбээр эдүгээ 30 настай.  Чансаагаараа дэлхийд зургаад эрэмбэлэгддэг бөгөөд 2005 оноос хойш тасралтгүй дэлхийн шилдэг 10 тамирчны тоонд  багтсаар иржээ.