УДЭТ-ын хамт олон Монголын төрөөс баримталж буй соёл урлагийн бодлогыг хэрэгжүүлэх, хотын төвөөс алслагдсан иргэдэд соёл урлагаар хүрч үйлчлэх, театрын урлагийг сурталчлах зорилгоор “Хот орчим”-ын аялан тоглолтыг Дүүргүүдийн Засаг дарга түүний Тамгын газар, хороодуудтай хамтран амжилттай зохион байгуулж иржээ.  

Энэ хүрээнд  Багахангай дүүргийн Засаг дарга түүний Тамгын газар, Соёлын ордонт хамтран ирэх  сарын 13-ний өдөр 1, 2-р хорооны соёлын ордонд Н.Ганхуягийн “Бүүвэй”, “Т.Габбе “Үнсгэлжин” жүжгүүдийг 70 хувиар хямдруулан тоглох ажээ. Мөн тоглолтын дараа уран бүтээлчид, үзэгчдийн уулзалт, ярилцлагыг зохион байгуулах юм байна.

 “Бүүвэй” жүжгийн найруулагчаар урлаг судлалын ухааны доктор, профессор, УГЗ Н.Ганхуяг, хөгжмийн зохиолчоор СГЗ Л.Балхжав ажилласан.  Харин гол дүрүүдэд МУАЖ С.Сарантуяа, СТА Г.Амгаланбаатар, СТА Б.Одончимэг, СТА Ц.Цэрэнболд , Г.Дөлгөөн-Аюуш нар тогложээ.    Тэгвэл “Үнсгэлжин” хүүхдийн жүжгийн найруулагч СТА Ч.Түвшин ажилласан бөгөөд  дүрүүдэд  Г.Номуун, Б.Золжаргал, СТА Б.Одончимэг, Б.Одгэрэл  тэргүүтэй жүжигчид тоглосон юм байна.