Германы цомын тэмцээний 1/8 шигшээн эхний дөрвөн тоглолт өнгөрсөн шөнө боллоо. Энэ шатанд Германы шилдэг “Байерн Мюнхэн” клуб талбайдаа “Вольфсбург” клубыг хүлээж авч, 1:0-ээр буулгаж авлаа. Ингэснээр шөвгийн наймд шалгарч байгаа юм.

Тоглолтын хувь заяаг шийдсэн цорын ганц гоолыг 17 дахь минутад Дуглас Коста оруулсан байна. Мөн энэ шатанд “Астория” клубыг “Арминия” торгуулийн цохилтоор буулгаж авсан бол “Хамбург” клуб талбайдаа “Кёльн”-ыг 2:0-ээр хожжээ. Мөн “Гройтер” клубыг “Боруссия Мюнхэнгладбах” талбайд нь 0:2-оор хожиж, дараагийн шатанд шалгарлаа.