Реалити шоуны од Ким Кардашианы нөхөр реппер Канье Уэст шинэ Ерөнхийлөгч Доналд Трампын тухай жиргэсэн бүх постоо устгажээ.

АНУ-ын Ерөнхийлөгчийн сонгуулийн дүн нэгэнтээ гарсны дараа реппер шинэ Ерөнхийлөгчтэй уулзаж, 15 минут орчим ярилцсан удаатай. Энэ уулзалт хүн бүрийн гайхшралыг төрүүлсэн бөгөөд тэр дундаа эхнэр Ким Кардашиан нь цочиролд орсон гэдэг. Учир нь Ким Трампын өрсөлдөгч Хиллари Клинтоныг дэмжигч байсан юм.

Тэгвэл Д.Трамптай ойр дотно гэдгээ харуулж, уулзалт хийж байсан Канье саяхнаас твиттер дэх Ерөнхийлөгчтэй холбоотой бүх постоо устгажээ. Шалтгаан эдүгээ тодорхойгүй байгаа ч  дуучин залуу шинэ Ерөнхийлөгчийн үзэглэсэн зарим орны иргэдэд виз олгохыг түр хугацаагаар зогсоох шийдвэртэй холбоотойгоор ийм алхам хийсэн байж магадгүй гэнэ.