Улсын Дээд шүүхийн хяналтын шатны эрүүгийн хэргийн шүүх хуралдаанаар мансууруулах буюу сэтгэцэд нөлөөлөх эм бэлдмэл, бодисыг  борлуулах зорилгогүйгээр хууль бусаар олж авч хадгалсан, давтан борлуулсан Б-д холбогдох хэргийг хянан хэлэлцлээ.

Анхан болон давж заалдах шатны шүүхээс шүүгдэгч Б-д Эрүүгийн хуулийн 192 дугаар зүйлийн 192.3.4 дэх хэсэгт зааснаар чанга дэглэмтэй хорих ангид 10.1 жилийн хорих ял оногдуулахаар шийдвэрлэсэн аж.

Харин энэхүү шийдвэрийг шүүгдэгч Б болон түүний өмгөөлөгч Р.Оюунцэцэг нар эсэргүүцэж, Улсын дээд шүүхэд гомдол гаргасан байна. Тэдний гомдлыг Улсын дээд шүүх анхан болон давж заалдах шатны шүүхийн шийдвэрийг хэвээр үлдээж, гомдлыг хэрэгсэхгүй болгожээ.