Английн лигийн цомын хагас шигшээ шатны хариу тоглолт эхэллээ. Өнгөрсөн шөнө Английн алдарт “Ливерпүүл” талбайдаа “Саутгэмптон”-тай тулж, 0:1-ээр хожигдлоо. Ингэснээр хоёр тоглолтын нийлбэр дүнгээр “Саутгэмптон” өрсөлдөгчөө 2:0-ээр буулгаж авч, финалд үлдэж байгаа юм.

“Ливерпүүл”-ийн хувьд Манье Африкийн цомд яваад эзгүй байгааг эс тооцвол бусад бүх шилдэг тамирчид нь гараанд гарсан. Гэвч талбайдаа олигтой тоглож чадсангүй. Тоглолтын хувь заяаг шийдсэн цорын ганц гоолыг 90 дэх минутад Лонг оруулж, багаа финалд үлдээлээ.

Өнөө шөнө “Халл” талбайдаа “Манчестер Юнайтед”-тай тоглох учиртай. Хожсон нь финалд үлдэнэ. Эхний тоглолтод “Манчестер Юнайтед” өрсөлдөгчөө 2:0-ээр хожсон билээ.