Европын хөлбөмбөгийн холбооноос Аваргуудын лигийн 25 улирлын түүхэнд хамгийн олон оноо цуглуулсан багуудыг танилцуулжээ. Энэхүү жагсаалтыг Испанийн алдарт “Реал Мадрид” клуб тэргүүлсэн байна. Эзэн хааны баг Аваргуудын лиг нэртэй болсноос хойшхи 25 улиралд 319 оноо цуглуулсан бол “Барселона” 314 оноогоор удаалж байгаа аж.

Тэгвэл гуравдугаар байрт Германы алдарт “Байерн Мюнхэн”  клуб 284 оноо авсан амжилтаар бичигдсэн байна. Харин Английн багуудаас “Манчестер Юнайтед” 272 оноо цуглуулсан амжилтаараа дөрөвдүгээрт бичигдэж байгаа юм. Мөн энэ жагсаалтад Оросын зургаан баг багтсан байна.

Хамгийн олон оноо цуглуулсан багууд

1. “Реал Мадрид” (Испани) – 319 оноо
2.  “Барселона” (Испани) – 314
3. “Байерн Мюнхэн”  (Герман) – 284
4. “Манчестер юнайтед”  (Англи) – 272
5. “Арсенал” (Англи) – 207
6. “Ювентус” (Итали) – 200
7. “Милан” (Итали) – 197
8. “Челси” (Англи) – 190
9. “Порто” (Португал) – 185
10. “Лион” (Франц)-134