“U Film” студийн ээлжит бүтээл "Амьдралоги” уран сайхны инээдмийн кино  БНСУ-ын “Сөүл синема” кино театрт нээлтээ хийжээ. Тус кино “Сөүл синема” кино театрт гурван өдөр гарах юм байна. “Амьдралоги” буюу амьдрал судлал кино нь жүжигчин Г.Ундармаагийн продюсерласан дэлгэцийн дөрөв дэх уран бүтээл юм.

Тус киноны гол дүрд О.Энхтуул, Г.Ундармаа, Д.Энхбаяр харин дүрүүдэд “Маск” продакшны жүжигчин Ж.Мөнхсайхан, Н.Онон, СТА жүжигчин Г.Ундармаа, залуу жүжигчин н.Гэгээнхүслэн нар тоглосон. Инээдмийн жанрын тус кинонд хямдрал өртсөн гэр бүлийн амьдрал, амжилттай яваа ч заяаны ханиа хараахан олоогүй бүсгүй, залуу халуун насныхаа алдаа оноог дэнслэн яваа оюутан охин болон киноны бусад дүрүүдийн аз жаргалын төлөөх тэмцлийн талаар өгүүлдэг юм.