Францийн Лиг-1-ийн 21 дүгээр тойргийн хүрээнд “ПСЖ” клуб “Нант”-ыг талбайд нь 0:2-оор буулгаж авсан билээ. Тэгвэл хоёр гоолыг “ПСЖ”-гийн довтлогч Эдинсон Кавани оруулжээ. Ингэснээр тэрбээр 20 гоолтой болж, Францийн лигийн мэргэн буучийн жагсаалтыг тасархай тэргүүлж байна.

Мөн тэрбээр Европын топ 5 лигт 20 гоолтойгоор ганцаараа тэргүүн эгнээнд бичигдэж байна. Түүний араас “Боруссия Дортмунд”-ын довтлогч  Пьер-Эмерик Обамеянг бичигдэж байна. Тэрбээр Бундес лигийн 15 тоглолтод оролцож, 16 гоол оруулчихаад байгаа юм.

Гуравдугаар байрт “Интер” клубын Мауро Икарди болон “Лион” клубын довтлогч Александр Ляказетт нар 15 гоолтой бичигдэж байна.