АНУ-ын Ерөнхийлөгчийн тангараг өргөх ёслолын орой үдэшлэг болдог. Тэрхүү үдэшлэгт Ерөнхийлөгч Тэргүүн хатагтайн хамт оролцож анхны бүжгээ хийдэг билээ.

Тэгвэл Доналд Трамп тангараг өргөх ёслолын оройн үдэшлэгт тэргүүн хатагтай Мелани Трамп, охин Иванка Трамп, Тиффани Трамп нарын гэр бүлийнхэнтэйгээ оролцжээ. Улмаар тэдний охид хийгээд тэргүүн хатагтайн үдэшлэгийн даашинз олны харцыг булаагаад амжсан байна.

Энэ үдэш Мелани Трамп Herve Pierre дизайнерын урласан мөрөө ил гаргасан цагаан өнгийн даашинз өмсч, үсээ задгай тавьсан байсан  бол Иванка Трамп болор шигтгээ бүхий урт даашинз өмсч, үсээ шуусан байжээ. Харин Тиффани урт лусын гүнжийн загвар бүхий гоёлыг сонгосон байв.  Гэхдээ эдгээр бүсгүйчүүд дундаас Иванка Трампын гоёл тэргүүн хатагтайнхаас ч илүү олны анхаарлыг татаж, өндөр үнэлэлт авчээ.