Дэлгэцийн уран бүтээлд аль хэдийнэ өөрсдийн гэсэн байр суурийг эзэлж чадсан “Хувьсал” продакшны шинэхэн уран бүтээл “Миний нууц” кино тун удахгүй үзэгчдэд хүрэхэд бэлэн болжээ. Киноны постер эдүгээ цацагдаж эхэлсэн бөгөөд гол дүрд тоглож буй МУГЖ У.Уранчимэг  чармай нүцгэн зургаараа постероо чимсэн нь үзэгчдийн анхаарлыг ихээхэн татаж байна.

Жүжигчин бүсгүй эдүгээ 43 настай. Хэдий тийм ч, биеийн  галбираа төгс хадгалж, сайхан хэвээрээ л байгаа нь үеийн бүсгүйчүүдийн атаархлыг төрүүлдэг нь дамжиггүй.  Харин энэ удаа киноны шинэ постерыг МУГЖ У.Уранчимэг хоёр гараараа цээж хэсгээ далдалж, чармай нүцгэн байдалтайгаар хэвтэж буй зургаараа чимсэн нь сошиал сүлжээнд ёстой л гал авалцуулж байна. Кино ирэх гуравдугаар сарын 2-нд нээлтээ хийх бөгөөд найруулагчаар нь Д.Галбаяр ажиллажээ.