Эрэгтэйчүүдийн хамгийн хүнд жин болох +100 кг-ын жингийн медальтнууд тодорлоо. Энэ жинд -100 кг-д Олимпийн наадмаас алт, мөнгөн медаль хүртсэн аварга Н.Түвшинбаяр зодоглосноороо тэмцээнийг сонирхолтой болгосон. Тэрбээр одоо ч ур чадвартай сайтай байгаагаа харуулж энэ жинд финалдсан.

Олимпийн алт, мөнгөн медальт Н.Түвшинбаяр аварга финалд “Женко” клубын тамирчин Б.Сугаржаргалтай барилдсан.  Тэрбээр өрсөлдөгчөө торгуулиар ялж, +100 кг-д анх удаа улсын аваргад түрүүллээ.

Харин хүрэл медалийг “Алдар” спорт хорооны тамирчин Ө.Дүүрэнбаяр, “Хилчин” спорт хорооны тамирчин Б.Бат-Орших нар хүртлээ.