Хүний эрхийн Үндэсний Комисс, Нээлттэй нийгэм форум төрийн бус байгууллагатай хамтран хүний эрхийн тулгамдсан асуудал, чухалчлагдаж буй сэдвийн хүрээнд  сар бүр уулзалт зохион байгуулдаг билээ.

Тус уулзалтыг төр, иргэний нийгмийн байгууллага, судлаач, иргэдийн үзэл бодол, байр суурийг харилцан солилцох, хүний эрхийн мэдлэг ойлголтыг хөгжүүлэх, түгээн дэлгэрүүлэх зорилготойгоор зохион байгуулдаг байна. Тэгвэл энэ удаагийн уулзалтаар "Хэвлэн нийтлэх эрх ба хүний эрх” сэдвээр ярилцах юм байна.

Уулзалтад Хэвлэл мэдээллийн зөвлөлийн ажлын албаны дарга У.Тамир оролцох бөгөөд хүний эрхийн чиглэлээр ажилладаг ТББ-ын гишүүд, ажилтнууд, судлаачид, сонирхсон хүн бүхэнд нээлттэй гэнэ.