“Хот тохижилтын газар” ОНӨААТҮГ-ын Тохижилт үйлчилгээний алба  238 хүний бүрэлдэхүүнтэйгээр хуваарьт зам талбайгаа цэвэрлэж,  24 рейсээр 108 тонн цас, хог хаягдал цэвэрлэсэн байна.

Тодруулбал, ногоон байгууламжийн алба 98 хүний бүрэлдэхүүтэйгээр Хувьсгалчдын гудамж, Нарны зам, Цагдаагийн академийн өргөн чөлөө, Нийслэл хүрээ өргөн чөлөөний замын нуух болон явган хүний замуудын цас  цэвэрлэж нийт долоон  рейсээр  31.5 тонн хог тээвэрлэжээ.

Мөн  Бөхийн өргөөний арын өгсүүр зам, Сансарын тунель, Нарны гүүр, ЭТГүүрний зүүн талын нүхэн гарц, Чингүнжав, Ард-Аюуш, Амарсанаа, Хасбаатарын гудамжинд автомашины яндангаас үүдсэн хөлдөлтийг нэг тонн бодис цацаж  хайлуулан цэвэрлэсөн байна. Түүнчлэн Төв номын сан, Энхтайваны гүүрний хайс, хашлагыг угаасан аж.