МУЭ-ийн Хорооны гишүүн, залуу зураач М.Ган-Очир “Сэтгэлийн хээ” гурав дахь бие даасан үзэсгэлэнгээ гаргахаар болжээ. Тус үзэсгэлэн энэ сарын 17-ны өдөр Төрийн ордонд нээгдэх юм байна. Энэхүү үзэсгэлэнд Монголын үндэсний уламжлалт хээ угалзыг дүрсэлсэн модерн, абстракт 30 гаруй бүтээлийг толилуулах аж.

Ихэвчлэн байгалийн зургийг зурдаг М.Ган-Очир Дүрслэх урлагийн дээд сургуулийн уран зургийн ангийг 2009 онд төгссөн. Тэрбээр, БНСУ, Япон, ХБНГУ-ын уран зургийн үзэсгэлэнд бүтээлээ дэлгэж байсан авьяаслаг, ирээдүйтэй зураач юм.