Английн “Арсенал” клубын дасгалжуулагчАрсен Венгер багийн хагас хамгаалагч Санти Касорлаг бэртлийн улмаас 10 долоо хоног талбайд гарахааргүй болсон талаар ярьжээ. Эмч нарын баг түүнийг хагалгаанд орох шаардлагатай гэж үзсэн учраас ийн эмнэлэгт хэвтэх шаардлагатай болчихоод байгаа аж.

Энэ талаар Венгер “Касорлаг энэ улиралд дахиж тоглоно гэж найдаж байна. Түүний гэмтэл бүрэн эдгэртэл 6 долоо хоногийн хугацаа байгаа. Тэр одоо гүйж ч чадахгүй байгаа шүү дээ. Улмаар бэртлээсээ эргэж ирээд 4 долоо хоногийн туршид бэлтгэлээ хийж байж талбайд гарах боломжтой болно” хэмээн ярьжээ.