Дэлхийн шилдэг гэрэл зураг шалгаруулах “Sony world photography awards-2016” наадмын нээлттэй төрөлд дэлхийн 186 орны гэрэл зурагчид 103005 бүтээлээ сойжээ. Улмаар бидний өнөөдрийн дугаартаа хүргэж буй зураг “Хүмүүс” төрөлд тэргүүн байр эзэлсэн байна. “Кубын эрэг” гэх нэртэй энэхүү бүтээлийг 2015 оны дөрөвдүгээр сарын 28-ны өдөр Бразилын чөлөөт гэрэл зурагчин Александр Менегини Гаваннад авчээ. 

Кубын нийслэл Гаванна хотын далайн эрэгт хүмүүс сэлж байх үед өөрт нь тун чиг хөгжилтэй харагдсан тул гэрэл зурагчин хоёр настай эмэгтэйн зургийг дурандаа буулгасан нь энэ аж. Тухайн үед гадаа халуун нар төөнөж, 39.7 хэмийн дулаан байсан гэнэ.  Тус улсын ус цаг уурын хүрээлэнгээс мэдээлснээр  Кубын түүхэнд хамгийн ихдээ 39.8 градус хүрч, дулаарч байсан тохиолдол байдаг аж. Харин тэр  өдөр үүнээс ердөө 0.1 хэмээр л бага байжээ.