Олон улсын эрдэмтэд байгаль орчны асуудлаар чуулж байна
“Нийгэм, эдийн засгийн хөгжилд байгалийн нөхцөл, нутаг дэвсгэрийн онцлогийг харгалзан үзэх нь” сэдэвт олон улсын эрдэм шинжилгээний III бага хурал болж байна.
Тус хурлыг Байгаль орчин, аялал жуулчлалын яамнаас зохион байгуулж байгаа ажээ.
Хурлыг нээж БОАЖ-ын сайд Д.Оюунхорол “Монгол орны хувьд байгалийн гамшигт үзэгдлийн давтамж ойртох, бэлчээрийн хомсдол, уул уурхайн олборлолтоос шалтгаалан амьтан, ургамлын төрөл зүйл, нөөц хорогдох, хөрсний эвдрэл, бэлчээрийн талхагдал, цөлжилтийн эрчимжилт, гадаргын болон газрын доорхи усны нөөцийн хомсдол, усны түвшний бууралт, хот суурин газрын агаар, хөрсний бохирдол нэмэгдэж буйгаар илэрч байгааг “Монгол орны байгаль орчны төлөв байдлын тайлан”-гийн мэдээ, баримтууд нотолж байна.
Манай яам бусад яамдаас ялгарах нэг гол онцлог бол өөрийн гэсэн тусгай хууль зүй тогтолтой байгалийн үзэгдэл юмсыг зохицуулах бодлогыг боловсруулж, хэрэгжилтийг зохион байгуулдаг. Иймд мэргэжлийн эрдэмтдийн судалгааны үр дүн, санал, бодлыг сайтар анхаарч байх ёстой” гэв.
Тус хуралд НҮБ-ын Ази-Номхон далайн бүсийн Эдийн засаг нийгмийн комисс, НҮБ-ын Европын эдийн засгийн комисс, МУИС, МУБИС, ШУТИС, ХААИС-ийн эрдэмтэд, судлаачид болон ОХУ, БНХАУ, Япон, БНСУ-ын их сургууль, эрдэм шинжилгээний байгууллагуудын 200 гаруй эрдэмтэн судлаачид оролцож байгаа юм.
Дашрамд сонирхуулахад, тус олон улсын бага хуралд хэлэлцүүлсэн илтгэлийг эмхэтгэн хоёр боть бүтээл болгон хэвлүүлсэн байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
