NBA-ын талбайд есөн тоглолт боллоо. Наймааны цонх нээгдэхтэй зэрэгцэн Кайл Корверыг багтаа нэгтгэж чадсан Клевлэнд Кавалерс баг Юта Жаззын талбайд зочлон тоглолоо.

Тоглолтын эхний хагасыг 41-56 харьцаагаар талбайн эзэд тэргүүлсэн бол гуравдугаар үед онооны зөрүүг зургаагаар ойртуулжээ. Шийдвэрлэх үед онооны зөрүүг зургаа Клевлэнд болгож ойртуулж чадсан ч 92-100 харьцаагаар хожигдол хүлээжээ. Клевлэнд 28 хожил, 9 хожигдолтой дорнод бүсийг тэргүүлж байгаа бол Юта Жазз 24 хожил, 16 хожигдолтой өрнөд бүсийн 6-рт эрэмбэлэгдэж байна.

Кайл Корвер өнөөдөр шинэ багийнхаа өмсгөлтэй анхны тоглолтодоо сэлгээнээс хийсэн байна. Тэрбээр 18 минут тоглосон бөгөөд 5 довтолж ердөө ганцыг нь л амжилттай болгожээ. Леброн Жеймс 29 оноог авч багаа тэргүүлсэн бол Тристон Томпсон 12 оноо, 12 самбараас бөмбөг авчээ. Харин эсрэг багаас Гордон Хейвард 28 оноо, 9 самбараас бөмбөг авч багаа тэргүүлсэн бол Родни Хүүд 18 оноогоор тусалжээ