Төсөөллийг бодит болгох “Carved 3D” машиныг монгол инженер бүтээжээ
Гурван хэмжээст програмын тусламжтай зурсан хоёр болон гурван хэмжээст дүрсийг бодитоор бий болгож, туршилт хийх, дахин загварчлах, өөрийн гэсэн бүтээгдэхүүнтэй болоход туслах “Carved 3D” машины 2017 оны шинэхэн загварыг монгол инженер бүтээжээ. Хэрэглээний хувьд маш хялбархан. USB портоор ажилладаг, зөөврийн компьютерээр удирдах боломжтойгоос гадна төрөл бүрийн 3D программ дээр загвараа гаргаж болдог аж.
Ширээний болон зөөврийн зориулалттай учир хаана ч хэрэглэхэд тохиромжтойгоос гадна хуванцар, мод гэх мэт маш олон төрлийн материал дээр загвар гаргадаг байна. Хэлбэр дүрс, бүтээлч байдал, бодит ажлыг гурван үйлдлээр хэмээн тодорхойлогдож буй уг машиныг аль ч салбарт ашиглаж болох гэнэ. Тухайлбал, электроникийн хавтангийн үйлдвэр, инженерийн салбарт интерьер дизайнерууд хэрэглэж болох гэнэ.
Түүнчлэн, гоёл чимэглэл, дархан, сийлбэр, уран баримал, гутлын үйлдвэр, хэвийн боовны үйлдвэр, модон хэвний үйлдвэр гээд бүхий л салбарт компьютероор командаа өгөөд л ашиглах боломжтой юм байна.
Тэр бүү хэл гэртээ төсөөллөө бодит болгохдоо ч ашиглах боломжтойг уг машиныг бүтээсэн электоникийн инженер Б.Одбаяр хэллээ. Тэрбээр мөн 3D машинаа танилцуулах “Carved team” гэх фэйж хуудсыг нээн ажиллуулж байгаа гэнэ. Тиймээс сонирхсон хүмүүс тус хуудсанд зочлон сонирхох боломжтой юм байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
