74 дэх удаагийн “Алтан бөмбөрцөг” наадмын шагнал гардуулах ёслолын ажиллагаа өчигдөр АНУ-ын Лос Анжелес хотноо зохион байгуулагдаж, Холливудын алтан үеийнхнийг харуулсан найруулагч Дэмьен Шазелийн “La la Land” мюзикл кино хамгийн олон номинаци буюу долоон төрөлд нэр дэвшсэн байна.

Улмаар оролцсон төрөл бүртээ шилдгээр шалгарч, энэ удаагийн “Алтан бөмбөрцөг”-ийн хамлаа. Тус кино “Шилдэг инээдмийн мюзикл” кино төрөлд шилдгээр шалгарснаас гадна гол дүрийн жүжигчид болох Райн Гослинг, Эмма Стөүн нарийн жүжигчин шилдэг гол дүрийн эрэгтэй, эмэгтэй номинацид тус тус тэргүүлсэн байна.

Түүнчлэн, шилдэг найруулагч, шилдэг зохиол, шилдэг хөгжим гэх зэрэг нийт долоон төрөлд шалгарчээ. Ингэснээр ирэх сард зохион байгуулагдах Оскарт ч тус кино оролцсон номинациуддаа шилдгээр нэрлэгдэх магадлал өндөр болж ирлээ.