Миссийн тэмцээнд оролцоход заавал хөөрхөн байх албагүй гэдгийг яруу тодоор харуулсан нэгэн бол яах аргагүй “Торго модель” агентлагийн загвар өмсөгч А.Баярцэцэг. Тэрбээр, загвар өмсөхөөс гадна өндөр боловсролтой басхүү чамгүй жүжигчин гэдгээ батлаад амжсан.

Тэгвэл загвар өмсөгч А.Баярцэцэг дахин дэлгэцийн уран бүтээлд тоглон, шүтэн бишрэгчиддээ бэлэг барьжээ. Тодруулбал, “Mongolian Social Channel” студийн бүтээл “Явуулын хүн” уран сайхны кинонд Ариунаа гэх хөдөөний эгэл жирийн бүсгүйн дүрд тоглосон байна. Тус кинонд малчин ардын аж байдлыг тусгасан гэнэ.

Дашрамд сонирхуулахад, “Явуулын хүн” киноны зураг авалтыг Өвөрхангай аймгийн Бүрд сумын нутагт авчээ.