Эрик Гордэн 31 оноог сэлгээнээс авч, Жеймс Харден 23 оноо, 10 самбараас бөмбөг авч, 10 оновчтой дамжуулалтыг өгч Хьюстон Рокетс баг талбай дээрээ Вашингтон Уйзардсыг 101-91 харьцаагаар улирлын 27 дахь хожлоо байгууллаа.

Харин Харден улирлын ес дэх трибл даблиа хийж, мөн гурван тоглолт дараалж трибл дабл амжилт үзүүлсэн байна. Тэрбээр өмнөх тоглолтод 53 оноо, 16 самбар, 17дамжуулалтыг Никсийг эсрэг үзүүлж 50-15-15 хийсэн цорын ганц тоглогч болж NBA-ын түүхэнд нэрээ үлдээжээ.

Харин эсрэг багаас Жон Уолл 18 оноо, 11 оновчтой дамжуулалтыг үзүүлж багаа тэргүүлжээ