Реалити шоуны од Ким Кардашианы нөхөр дуучин Канье Уэст “Famous” нэртэй шинэ уран бүтээлээ гаргаж, тус дууны клип олон нийтийн анхаарлыг ихээр татаад байна. Учир нь тус дууны клипэнд урлаг соёл хийгээд улс төрийн алдартай эрхмүүд чармай нүцгэн нэг оронд хэвтэж буйгаар гардаг байна. Клип цацагдсанаас хойш эдүгээ цахим сүлжээ хэрэглэгчид клипний нууцыг тайлахаар мэрийж буй гэнэ. Канье Уэст энэ сарын 25-нд Лос-Анжелес хотноо клипнийхээ танилцуулгыг хаалттай хийжээ.

Түүний клипэнд эхнэр Ким Кардашиан, Рианна, Тайлор Свифт, АНУ-ын Ерөнхийлөгчийн сонгуульд Бүгд найрамдах намаас нэр дэвших гэж буй Доналд Трамд, экс Ерөнхийлөгч Жорж Буш, жүжигчин Билл Косби,  загвар өмсөгч Амбер Роуз, нэрт сэтгүүлч Анна Винтур нарын 11 алдартан чармай нүцгэн нэг оронд хэвтэж буйгаар дүрслэгдсэн байна. Олон нийтийн дунд таамаг, мэтгэлцээнийг үүсгэж анхаарал татаад буй клипнийхээ санааг Канье АНУ-ын зураач Винсенто Диседериогийн “Зүүд” гэх зурагнаас сэдэвлэсэн гэх. Ямартай ч, клипийг хийхэд гурван сарын хугацааг зарцуулжээ.