Оюутнуудын автобусаар хөнгөлөлттэй зорчих эрх нэгдүгээр сард үйлчлэхгүй гэдгийг албаныхан санууллаа. Учир нь их, дээд сургуулийн өвлийн амралт таарч байгаа тул нэгдүгээр сарын 1-нээс 31-ний хооронд “Цахим төлбөрийн карт”-ын хөнгөлөлттэй зорчих эрх орохгүй юм байна. Харин хоёрдугаар сарын 1-нээс хөнгөлөлттэй зорчих эрх нь идэвхжиж нийтийн тээврээр зорчих юм байна.

Дашрамд дуулгахад, их дээд сургууль, коллеж, мэргэжлийн сургалт үйлдвэрлэлийн төвийн сурагч, зөвхөн хичээл сургуульд явахдаа хөнгөлөлтөө эдлэх эрхтэй байдаг билээ.

Энэ нь хагас, бүтэн сайн болон бүх нийтийн амралтын өдрүүд, оюутны өвлийн амралтын хугацаанд үйлчилдэггүй аж.