ОХУ-ын Буриад улсын нийслэл Улаан-Үд хотын Олимпийн нөөцийн дунд сургуулийн удирдлагаас санаачлан харилцан туршлага солилцох, залуу бөхчүүдийн ур чадварыг дээшлүүлэх, хил залгаа улсуудын спортын хамтын ажиллагааг өргөжүүлэх зорилгоор Буриад улс, Красноярскийн хязгаар, БНХАУ-ын Бээжин хотын Бөхийн клуб, Монголын нийт 50 гаруй залуу бөхчүүдийн 14 өдрийн хамтарсан бэлтгэл сургуулилтыг Биеийн тамир-спортын цогцолборын бөхийн танхимд явуулж байгаа ажээ.

Тус хамтарсан бэлтгэлд  Орхон аймгийн “Ирээдүйн одод” спортын дунд сургуулийн бөхчүүд тус сургуулийн багш Б.Идэрсайханы удирдлага дор оролцож буй аж. Тус хамтарсан бэлтгэлд ЗХУ-ын Гавьяат дасгалжуулагч Г.Бай­меевийн дурсгалд зориулсан бүх оросын “Абай Гэсэр-2016” уламжлалт тэмцээнд оролцсон Ж.Дандар дасгалжуулагчтай “Харгант-Цамхаг” клубын  бөхчүүд мөн хамрагдсан байна.