Английн “Арсенал” клубын хагас хамгаалагч Алексис Санчес жил хагасын дараа чөлөөт агент болох юм. Учир нь тэрбээр одоо болтол багтайгаа гэрээгээ сунгах тал дээр тохиролцоонд хүрч чадаагүй байна. Тэгвэл Daily Mail-ийн мэдээлж байгаагаар Лондоны баг өдгөө 27 настай Чили эрийн цалинг долоо хоногийн 200 мянган фунт болгож нэмэхэд бэлэн байгаа ажээ.

Өмнө нь “Арсенал” 180 мянга болгож нэмэх санал гаргасан ч зөвшилцөлд хүрэлгүй хэлэлцээр зогсоод байсан юм. Одоогоор Санчес “Арсенал”-аас долоо хоногийн 130 мянган фунтын цалин авч байгаа бөгөөд Өзил 140-ийг авдаг юм.

Санчесийг сүүлийн үед “Челси”, “Манчестер Сити”, “Ювентус” зэрэг том багууд сонирхож байгаа билээ.