Эзэн хааны “Реал Мадрид” клуб өчигдөр багуудын ДАШТ-ий финалд Японы “Касима Антлерс” клубтай тулж, 4:2-өөр буулгаж авсан билээ. Энэ тоглолтод “Реал”-ын довтлогч Криштиано Роналдо гурван гоол оруулж, хет-трик хийсэн юм.

Ингэснээр Роналдо клубын хэмжээнд зохиогддог олон улсын тэмцээнүүдэд нийтдээ 103 гоол оруулж, Мессиг амжилтыг давж гарлаа. Роналдо Аваргуудын лигт 96, Европын супер цомд 2, багийн ДАШТ-д 5 гоол оруулаад байна.

Тэгвэл Месси Аваргуудын лигт 93, Европын супер цомд 3, багийн ДАШТ-д 5, нийт 101 гоол оруулаад байгаа юм.