Английн премьер лигийн 16 дугаар тойргийн үлдсэн тоглолтууд өнгөрсөн шөнө боллоо. Энэ тойрогт хүснэгтийг тэргүүлэгч “Челси” клуб “Сандерланд”-ын талбайд зочилж, 0:1-ээр буулгаж авлаа. Ингэснээр 40 оноотой болж, тэргүүн байраа баталгаажуулж, араасаа хамгийн ойрхон нэхэж байгаа багаас 6 оноогоор тасарлаа. Тоглолтын хувь заяаг шийдсэн цорын ганц гоолыг 40 дэх минутад Фабрегас оруулжээ.

Тэгвэл сүүлийн хоёр тойргоос ердөө ганц оноо аваад байсан “Ливерпүүл” клуб 7 дугаар тойрогт “Мидлсбро”-гийн талбайд зочилж, 0:3-аар буулгаж авлаа. Ингэснээр 34 оноотой болж, “Арсенал”-тай тэнцсэн ч гоолын зөрүүгээр хоёрдугаар байрт бичигдэж эхэллээ. Тоглолтын 29, 68 дахь минутад Лаллана хоёрыг оруулсан. Ингэснээр энэ улиралд премьер лигт 6 дахь гоолоо оруулж байгаа юм. Харин Ориги 60 дахь минутад улирлын дөрөв дэх гоолоо оруулжээ.

Бусад тоглолтын үр дүн

Вест Хэм 1-0 Бөрнли

Вест Бромович 3-1 Соунси

Сток Сити 0-0 Саутгэмптон

Кристал Палас 1-2 Манчестер Юнайтед

Манчестер Сити 2-0 Уотфорд

Тоттенхэм 3-0 Халл Сити