Манай улсад Азийн хөгжлийн банкны хөрөнгө оруулалтаар эмнэлэг барьж өгөхөөр болжээ. Тодруулбал,  Азийн хөгжлийн банкнаас Улаанбаатар хотод хоёр том жишиг эмнэлэг барихаар болсон аж.  

Мөн Сонгинохайрхан, Чингэлтэй дүүрэгт эмнэлэг барих юм байна. Түүнчлэн  дөрвөн өрхийн эмнэлэг болон зургаан суманд эмнэлэг баригдаж, Ховд аймагт бүсийн оношлогоо эмчилгээний төв баригдах гэнэ.

 Манай улсын хувьд эдийн засгийн эрүүл мэндийн салбар уналтад орж, одоо ашиглагдаж буй зарим эмнэлгүүдийн барилга актанд гарсан, зарим дүүрэг, аймгийн эмнэлэг хүрэлцээгүй байдаг гэх зэрэг олон хүндрэл бэрхшээл бий.

Тэгвэл Азийн хөгжлийн банкны хөрөнгө оруулалтаар 16 гаруй эмнэлгийн барилга ашиглалтад орох юм байна. Дашрамд сонирхуулахад,  2017 онд эрүүл мэндийн салбарт 645 тэрбум төгрөг төсөвлөжээ.